संविधान दिवस तथा राष्ट्रिय दिवस, २०८३ कार्यक्रम सम्पन्न

१ घण्टा अगाडी २०८३-०६-०३

आज मिति २०८३ असोज ३ गते प्रमुख जिल्ला अधिकारी मीना अर्यालज्यूको नेतृत्वमा संविधान दिवस तथा राष्ट्रिय दिवस, २०८३ सबै तहका राष्ट्रसेवक कर्मचारी, सुरक्षा निकायका कर्मचारीहरु, दशरथचन्द माध्यमिक विद्यालय र वीरेन्द्र माध्यमिक विद्यालयका शिक्षक, शिक्षिका तथा विद्यार्थीहरू लगायत नागरिक समाजको गरिमामय उपस्थितिमा जिल्ला सदरमुकाममा भव्यताका साथ विविध कार्यक्रमहरूको आयोजना गरी दिवस मनाइएको छ। कार्यक्रममा स्थानीय छलिया बाजागाजाका साथ गोठलापानी बजारबाट प्रारम्भ भएको प्रभातफेरीमा सहभागीहरूले संविधान दिवससँग सम्बन्धित चेतनामूलक तथा सन्देशमूलक नारा अङ्कित प्लेकार्डहरू प्रदर्शन गर्दै गढी बजारसम्म परिक्रमा गरेका थिए। त्यसपश्चात् गढीस्थित अमर सहिद दशरथचन्दको सालिकमा माल्यार्पण गरी सहिदहरूप्रति उच्च सम्मानका साथ श्रद्धाञ्जली अर्पण गरियो। साथै, सालिक स्थलमा आयोजित सभामा आमन्त्रित विशिष्ट व्यक्तित्वहरूले संविधानको मर्म, नेपालको संवैधानिक विकासक्रम र यसको प्रभावकारी कार्यान्वयनबारे आ-आफ्नो महत्त्वपूर्ण मन्तव्य व्यक्त गर्नुभएको थियो। औपचारिक कार्यक्रमको समापनपश्चात् स्थानीय मौलिक संस्कृतिको प्रवर्द्धन गर्ने उद्देश्यले देउडा खेलको भव्य आयोजना गरी कार्यक्रम सफलतापूर्वक सम्पन्न भयो।