2076-02-31
2076-02-31
आज मिति २०७६ जेठ ३१ गतेका दिन प्रमुख जिल्ला अधिकारीको अध्यक्षतामा सूचनाको हक सम्बन्धी ऐनको संरक्षण, सम्बर्द्धन र प्रचलन सम्बन्धमा एक अन्तरक्रिया कार्यक्रम सम्पन्न भयो । यसमा राष्ट्रिय सूचना आयोगका श्रीमान प्रमुख सूचना आयुक्त कृष्णहरि बाँस्कोटा ज्यूको प्रमुख आतित्थता रहेको थियो । बिशिष्ट अतिथिमा श्रीमान सचिव मणिराम ओझा ज्यू राष्ट्रिय सूचना आयोग र जिल्ला समन्वय समितिका प्रमुख रहनु भएको थियो । नगरपालिकाका प्रमुखहरु, जि.स.स.का उपप्रमुख, गा.पा. अध्यक्ष, नगरपालिका उपप्रमुखहरु, गा.पा. उपाध्यक्ष लगायतका स्थानीय तहको सहभागिता रहेको थियो ।थप सहभागिहरुमा प्रमुख प्रशासकीय अधिकृतहरु, कार्यालय प्रमुखहरु, सूचना अधिकारीहरु, नागरिक समाजका अध्यक्ष, स्वतन्त्र विचार मञ्चका सदस्यहरु, नेपाल वार एसोसियसनका पदाधिकारीहरु, उद्योग बाणिज्य संघका अध्यक्ष, नेपाल पत्रकार महासंघका सचिव, गैर सरकारी महासंघका प्रतिनिधि, अन्तरपार्टी महिला सञ्जाल, जिल्ला स्तरिय दलित संयन्त्र, राजनितिक दलहरुका प्रतिनिधि, शिक्षक शिक्षिकाहरु, स्थानीय तहका प्रवक्ताहरु, पत्रकारहरु पनि सो कार्यक्रममा सहभागी थिए ।80 जना सहभागी रहेको यस कार्यक्रममा २२ जनाले सम्बोधन गरेका थिए भने ९ जनाले अन्तरक्रियामा भाग लिएका थिए ।