मिति २०७६/१/१६ गते "जातीय भेदभाव र छुवाछुत अन्त्यका लागि दलित अधिकार प्रबर्द्धन सम्बन्धी जिल्ला स्तरीय संयन्त्र" को बैठक
2076-01-22
2076-01-22
मिति २०७६/०१/१६ गते प्र.जि.अ. श्री आनन्द पौडेल ज्यूको संयोजकत्व, जि.स.स. प्रमुख श्री सिद्धराज भट्ट ज्यू को प्रमुख आतिथ्य र मानव अधिकार आयोगका जातीय भेदभाव र छुवाछुत अन्त्य राष्ट्रिय अभियानको सदश्य सचिव दिपक नेपालीको अतिथ्यतामा "जातीय भेदभाव र छुवाछुत अन्त्यका लागि दलित अधिकार प्रबर्द्धन सम्बन्धी जिल्ला स्तरीय संयन्त्र" को बैठकबाट तपशिलको निर्णय गरि सम्पन्न गरीयो ।
निर्णय:
- नेपालको संविधान २०७२ को धारा ३१मा शिक्षा सम्बन्धी मैलिक हकको व्यवस्था गरिएको छ र सो संविधान को धारा ३१(२)मा प्रत्येक नागरिकलाई राज्यबाट आधारभुत तह सम्मको शिक्षा अनिवार्य र निशुल्क तथा माध्यमिक तहसम्मको शिक्षा नि:शुल्क पाउने हक हुने व्यवस्था भए बमोजिम जिल्ला स्थित सबै सार्वजनिक विद्यालयमा यो व्यवस्था कार्यान्वयन गर्न नगरपालिका/गाँउपालिका र शिक्षा विकास तथा समन्वय इकाइलाई अनुरोध गर्ने ।
- सबै न.पा./गा.पा. लाई जातिय भेदभाव र छुवाछुत अन्त्य सम्बन्धी घटनाको छुट्टै अभिलेख राख्न तथा त्यस्तो प्रकारको जघन्य फौजदारी मुद्दा न्यूनिकरण गर्न गरिएको प्रयास, योजना, कार्यक्रम बनाई लागु गर्न जिल्ला समन्वय समिति मार्फत अनुरोध गर्ने ।
- जिल्ला प्रहरी कार्यालय र मातहतका निकायले जातिय विभेद र छुवाछुत अन्त्य सम्बन्धी घटनाको छुट्टै अभिलेख राख्ने व्यवस्था मिलाउने ।
- जातिय विभेद र छुवाछुत अन्त्य गर्न दलित अधिकार प्रवर्द्धन सम्बन्धी कार्यविधि,२०७३ बमोजिम प्रमुख जिल्ला अधिकारी संयोजक रहने संयन्त्रमा तपसिल बमोजिमका सदस्यहरु मनोनयन गरिएको छ ।
- श्री पार्वती भुल, वडा सदश्य दशरथचन्द न.पा.-४,
- श्री सरस्वती नेपाली, दशरथचन्द न.पा.-४,
- श्री सुशिला सिह चन्द, दशरथचन्द न.पा.-४,
- श्री करन दयाल, मेलौली न.पा.-७,
- श्री रमेश कोली, पाटन न.पा.-५ ।