जातीय विभेद अन्त्य सम्बन्धी एक दिवसीय अन्तरक्रिया कार्यक्रम सम्पन्न

2080-10-19

छुवाछुत र भेदभाव नहुने अवस्था सिर्जना गरी प्रत्येक व्यक्तिको समानता, स्वतन्त्रता र मानव मर्यादाका साथ बाँच्न पाउने हकको संरक्षण गर्ने व्यवस्था संविधानमा नै गरिएको छ । जातका आधारमा मानिसबिच हुने भेदभाव अमानवीय कार्य हो । यस बैतडी जिल्लाको समाजमा समेत यस्ता विभेदका घटनाहरू बिद्यमान रहि आएको देखिन्छ । भेदभावविरुद्ध समान अधिकार र न्यायको वकालत जारी रहे पनि कमजोर वर्गको रूपमा रहेका अधिकांश दलितहरू हिंसाबाट पीडित रहेको सहभागी दलित सामाजिक अगुवा प्रतिनिधिहरुबाट आएकोले विभेद न्यूनीकरण गर्ने काममा सरोकारवालाको भूमिका महत्वपूर्ण हुन जान्छ । तसर्थ, उक्त कार्यका लागि सबै निकायहरुले आ-आफ्नो क्षेत्रबाट विभेद न्यूनीकरणका लागि उपर्युक्त कदम चाल्ने प्रतिवद्धता सहित जिल्ला प्रशासन कार्यालय बैतडी र दलित समाज विकास मंच, बैतडीको संयुक्त आयोजना तथा सामाजिक विकास कार्यालय, बैतडीको सहयोगमा आज मिति २०८०/१०/१९ गते आयोजित "जातीय विभेद अन्त्य सम्बन्धी अन्तरक्रिया कार्यक्रम" सम्पन्न भएको छ ।