असक्तको घरमा प्र.जि.अ. कार्यक्रम सञ्चालन हुने
९ दिन अगाडी
२०८३-०४-२९
तस्बिर :
नागरिकता प्राप्त गर्न बाँकी रहेका असक्त तथा अपाङ्गता भएका व्यक्तिहरूलाई सहज रूपमा नागरिकता प्रमाणपत्र उपलब्ध गराउने उद्देश्यले “असक्तको घरमा प्र.जि.अ.” कार्यक्रम सञ्चालन गर्ने तयारी गरिएको छ। कार्यक्रमअन्तर्गत सम्बन्धित स्थानीय तह तथा सरोकारवाला निकायसँग समन्वय गरी नागरिकता प्राप्त गर्न बाँकी रहेका असक्त तथा अपाङ्गता भएका व्यक्तिहरूको विवरण संकलन, आवश्यक कागजातको पहिचान तथा प्रमाणीकरण र सेवा प्रवाहका लागि आवश्यक प्रशासनिक तयारी भइरहेको छ। यस कार्यक्रममार्फत सेवाग्राहीलाई जिल्ला प्रशासन कार्यालयसम्म आउनुपर्ने कठिनाइ न्यूनीकरण गरी घरदैलोमै नागरिकता सेवा उपलब्ध गराउने छिटै व्यवस्था मिलाइनेछ।